Azersun Holding Şirkətlər Qrupunun prezidenti
Abdolbari Goozal

    Təməli Ümummilli liderimiz Heydər Əliyev tərəfindən qoyulan Azərbaycan iqtisadiyyatı, Azərbaycan Respublikasının prezidenti cənab İlham Əliyevlə birgə ötən illər ərzində ən sürətli inkişaf dövrünü yaşayır. Enerji qaynaqları ilə tanınan Azərbaycan iqtisadiyyatı, qeyri-neft sektorunda qəbul olunmuş iqtisadi proqramlar nəticəsində yeni bir dövrə başlamışdır. Azərbaycanın sənaye potensialında çox ciddi irəliləyişlər müşahidə edilərkən, bu sənayeləşmə prosesi artıq özünü tam doğrultmuşdur. Xüsusilə qida sənayesində. Azərbaycandakı işçi qüvvəsi və yerli xammal hesabına istehsal edilən məhsullar region dövlətlərinə ixrac edilməkdədir. İqtisadi inkişaf prosesinə sürət qazandıran bu hallar, Azərbaycanı xaricdən asılı olan ölkə vəziyyətindən, istehsalçı və ixracatçı ölkəyə çevirib. Bu uğurlar, ölkədə aparılmış iqtisadi siyasətin və yaradılmış sahibkarlıq mühitinin nəticəsində mümkün olmuşdur.
  Azərbaycan Respublikası Sahibkarlar (İşəgötürənlər) Təşkilatları Milli Konfederasiyası da xaricdə və daxildə təşkil etdiyi konfranslarla, həyata keçirdiyi layihələrlə iş adamlarını, kiçik sahibkarları və sənayeçiləri bir araya gətirir. Bu kimi tədbirlərdə təcrübə mübadiləsinə şərait yaratmaqla yanaşı, xarici təcrübənin öyrənilməsinə, yeni texnologiyaların tətbiqinə dəstək vermiş olur. Bu fəaliyyətlər sahibkarların inkişafına müsbət təsir göstərir. “Azərsun Holdinq” də aparılan işlərin nəticəsi olaraq Konfederasiyanın layihələrində fəal iştirak edir, layihələri dəstəkləyir. Konfederasiya tərəfindən aparılan işlərə baxsaq, deyərdim ki, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası  Azərbaycanın özəl sektorunda yaşanan birlik və bərabərliyin rəmzidir.
    Ötən illər ərzində, Konfederasiya ölkə iqtisadiyyatında baş verən müsbət transformasiyaların reallaşması, əhali kütləsinin fəal işgüzar fəaliyyətə cəlb edilməsi, işsizliyin aradan qaldırılması sahəsində təşəbbüslərlə çıxış etmişdir. Təhlil etsək görərik ki, özəl bölmənin, sahibkarlığın inkişafına təkcə paytaxtda deyil, regionlarda da xüsusi diqqət yetirilir. Bu da təsadüfi deyil. Çünki məqsəd regionlarda sahibkarlığın inkişafını sürətləndlirməklə oradakı əmək ehtiyatlarından, iqtisadi və təbii potensialdan səmərəli istifadə etməklə iqtisadiyyatın davamlı inkişafına, əhalinin məşğulluğunun artırılmasına və ölkədə yoxsulluğun səviyyəsinin azaldılmasına nail olmaqdan ibarətdir. Bu istiqamətdə tədbirlərin həyata keçirilməsi regionların iqtisadi inkişafında mövcud olan kəskin fərqin aradan qaldırılmasını, habelə regional tarazlığın reallaşdırılmasına nail olmaqla onların iqtisadi gücünü artırar və sosial problemlərin həllini sürətləndirər. “Azərsun Holdinq” də iqtisadiyyatın inkişafına təkan vermək məqsədilə kompleks layihələr həyata keçirir. Bütün sahələrdə də özünün etibarlı tərəfdaşı olan Azərbaycan Sahibkarlar Konfederasiyasını yanında görür. Konfederasiyada olduqca münbit və işgüzar mühit yaradılmışdır. Bu mühitin yaradılması, insanların hər təbəqədə hər səviyyədə bu konfederasiya ilə iş birliyi qurması, bu konfederasiyanın idarəçilərinin peşəkarlığını  göstərir. Həqiqətən də Azərbaycan Sahibkarlar Konfederasiyası təşəkkürə layiq işlər görür. Mən onlara işlərində uğurlar və müvəffəqiyyətlər arzu edirəm.

 



            

            

            
  AZƏRBAYCAN BEYNƏLXALQ BANKI