ASK - beynəlxalq tədbirlərdə iştirak edir

Azərbaycan Respublikası Sahibkarlar (işəgötürənlər) Təşkilatları Milli Konfederasiyasının (ASK) prezidenti Məmməd Musayevin rəhbərliyi ilə Azərbaycan nümayəndə heyəti 13-17 dekabr  2011-ci ildə bir sıra beynəlxalq tədbirlərdə iştirak etmişlər.

İlk tədbir ASK-ı prezidentinin Şura sədrinin müavini olduğu Sənayeçilərin və Sahibkarların Beynəlxalq Konqresi (SSBK) Rəyasət Heyətinin (ASK konqresin üzvüdür) iclası oldu. İclasda Konqresin 6 oktyabr   2011-ci il tarixdə Bakı şəhərində keçirilmiş Şura iclasının və beynəlxalq konfransın yekunları müzakirə olundu, bu tədbirlərə ev sahibliyi  etmiş Azərbaycan  Sahibkarlar  Konfederasiyasına  yüksək  qiymət  verilərək düşünülmüş təşkilatı işlərə görə Azərbaycan tərəfinə minnətdarlıq edildi.

Rəyasət Heyətində SSBK-nın strukturunun modernləşdirilməsi, Konqresin, onun üzv və tərəfdaşlarının layihə və proqramlarının həyata keçirilməsində fəaliyyətinin səmərəliliyinin yüksəldilməsi və 2012-ci ildə Konqresin fəaliyyətinin əsas istiqamətləri haqqında məsələlər müzakirə olunmuşdur.

Konqresdə Məmməd Musayev çıxış etdi.

Konqresin 20 illiyi ilə əlaqədar yubiley tədbirlərinin və Konqresin növbəti Şura iclasının fevral ayının 8-də Moskva şəhərində keçirilməsi qərara alınmışdır.

Qaradəniz Əməkdaşlıq təşkilatının biznes Şurasında Azərbaycanı ASK təmsil etdiyi üçün nümayəndə Heyəti Şuraya sədrlik dövründə Rusiya Federasiyası komitəsinin təşkil etdiyi “Qara-Dəniz 2011 – İnnovasiya və investisiya layihələrinin nümayişi” mövzusunda sərginin açılışında və təşkilatın biznes Şurasının 41-ci iclasında da iştirak etmişdir.

İclasda katibliyin hesabatı dinlənilmiş, bir sıra təşkilatı məsələlər müzakirə olunmuşdur. Biznes şurasının və onun Katibliyinin işinin canlandırılması yönümündə geniş müzakirələr aparılaraq yeni tədbirlərin həyata keçirilməsi nəzərdə tutulmuşdur. Şuraya sədrlik növbəti altı ay müddətinə Serbiyaya Respublikasına keçdi.

Serbiya tərəfədən Şuranın təmsilçisi – Ticatər Sənaye Palatasının rəhbəri sədrlik dövründə görüləcək işlər barədə geniş məlumat verdi.

ASK-nın prezidenti iclasda çıxış edərək, qarşılıqlı faydalı əməkdaşlığın inkişafı yeni investisiya imkanlarından danışaraq, qurumun işinin canlandırılması üçün bir sıra təkliflər irəli sürdü.

Tədbir çərçivəsində Rusiya Xarici işlər nazirinin  I-ci müavini                   A.İ. Denisovla görüş keçirilmiş, rusiya və azərbaycan sahibkarları arasında mövcud əlaqələrin daha da genişləndirilməsi perespiktivləri müzakirə olunmuşdur.

Nümayəndə heyəti Ukrayna Sənayeçilər və Sahibkarlar İttifaqının dəvəti ilə onların qurultayında iştirak etmişdir. İttifaqın prezidenti, Sənayeçilər və Sahibkarların Beynəlxalq konqresinin  birinci vitse-prezidenti, Ukrayna Parlamentinin  üzvü  Anatoli Kinax hesabat məruzəsi etmiş, tədbirdə iştirak edən nümayəndələrə, o cümlədən azərbaycan  nümayəndə heyətinə  onların dəvətini qəbul etdiklərinə görə minnətdarlıq etdi. Tədbirdə Azərbaycan nümayəndə heyəti ilə birlikdə Ukraynada yaşayıb işləyən bir qrup iş adamı da qurultayda iştirak etdilər. Onlarla görüşlər kecirildi, Ukraynada  yaşayan iş adamları birliyinin  yaradılması və digər məsələlər müzakirə olundu.

ASK-nın nümayəndə heyəti Polşa işəgötürənlər Konfederasiyasının dəvəti ilə iki gün ərzində Polşa Respublikasında da olmuşdur.

Azərbaycan nümayəndə heyəti əvvəlcə Polşa işəgötürənlər konfederasiyasının 22-ci ildönümü ilə əlaqədar keçirilən tədbirdə iştirak etmişdir.

Tədbirdə Polşa işəgötürənlər  konfederasiyasının üzvü olan qabaqcıl müəssisə rəhbərlərinə Polşa prezidentinin fərmanı ilə bir sıra orden və medallar və konfederasiyanın fərqləndirici nişanları təqdim olunmuşdur.

Tədbirdə Azərbaycanın Polşa Respublikasındakı səfiri Həsən Həsənov da iştirak etmişdir.

İkinci gün Avropa ittifaqına Polşanın sədrliyi dövründə Polşa işəgötürənlər konfederasiyasının ev sahibliyi ilə  Şərq tərəfdaşlığı layihəsi çərçivəsində Beynəlxalq konfrans keçirilmişdir. Konfransda dəvət olunmuş ölkələrlə yanaşı   Azərbaycan nümayəndə heyəti də iştirak edirdi. Konfransda Avropa ittifaqının bir qrup struktur rəhbərləri, ekspertlər, institut rəhbərləri iştirak və çıxış etdilər. Şərq tərəfdaşları olan ölkələrin nümayəndələri,  o cümlədən ASK-nın Baş Katibi Məhəmmədəli Əfəndiyev çıxış etdi.

Tədbirdə Avropa ittifaqının iqtisadiyyatın inkişafına köməyi,  Şərq tərəfdaşlığı və onun Avropa ittifaqının möhkəmləndirilməsi və genişləndirilməsində əhəmiyyəti, ayrı-ayrı ölkələrdə inkişaf, Avropa Birliyi və birliyə daxil olan ölkələrlə qarşılıqlı əlaqəsi və digər məsələlər ətraflı müzakirə olundu.

Sonda Konfrans adından birgə bəyanət qəbul olundu.

ASK-nın Prezidenti  etdiyi çıxışlarda və keçirdiyi görüşlərdə inkişaf edən Azərbaycan iqtisadiyyatı, ölkədə yaradılmış münbit investisiya mühiti barədə geniş məlumat verərək, iş adamlarını qarşılıqlı faydalı əməkdaşlığa dəvət etdi.

Azərbaycan Sahibkarlar Konfederasiyası ilə ÇXR-nın səfirliyi arasında əməkdaşlıq məsələləri müzakirə olunmuşdur