Təqdim etdiyimiz bu kitab işgüzar Azərbaycan qadınlarının həyat və biznes fəaliyyətinə həsr edilmiş ilk məlumat kitabıdır. Bu kitab Beynəlxalq Əmək Təşkilatının dəstəyi ilə “Azərbaycan və Gürcüstanda işəgötürən təşkilatları vasitəsilə qadın sahibkarlığın inkişafı” layihəsi çərçivəsində nəşr edilmişdir. Kitabın çap edilməsində əsas məqsəd Azərbaycanda qadın sahibkarlığın mövcud vəziyyəti, bu sahədə qarşıya çıxan problemlər və dəstək olan amillər, müvəffəqiyyətə aparan yollar haqqında məlumat vermək və ən nəhayət, qadın sahibkarlığın təbliğidir.

Uşaq əməyinə yox deyək

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası Beynəlxalq Əmək Təşkilatının ACT/EMP proqramının dəstəyi ilə «Kənd təsərrüfatında uşaq əməyinin ləğv edilməsində işəgötürənlərin rolu» layihəsi çərçivəsində fəaliyyətini kənd təsərrüfatında işləyən uşaqların məruz qala biləcəyi təhlükə və risklərlə bağlı işəgötürənlərin maarifləndirilməsi işinə yönəlmişdir. 
İşəgötürənlərin uşaq əməyi ilə mübarizədə konkret addımlar atmaları üçün aydın düşünülmüş fəaliyyət planına ehtiyacları var. Bu məqsədlə layihənin işçi qrupu tərəfindən işəgötürənlər üçün təlimat xarakterli nəşrlər hazırlanmışdır. «Uşaq əməyinə yox deyək» kitabında uşaq əməyinin ləğv edilməsi ilə bağlı işəgötürənlərə strategiya və konkret fəaliyyətlər təklif olunur. 
Bundan əlavə kitabda Azərbaycanın pambıqçılıq sahəsini xüsusi vurğulamaqla kənd təsərrüfatı sektorunda uşaq əməyindən istifadə olunması ilə bağlı Milli Hesabat öz əksini tapmışdır. 
 

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası Beynəlxalq Əmək Təşkilatının dəstəyi ilə sahibkarlar-işəgötürənlər üçün «Məhsuldarlıq və Rəqabətədamlıq» kitabını nəşr etmişdir. 
İş adamlarına təqdim ediləcək bu kitabda məhsuldarlıq, rəqabət, rəqabətədavamlıq və keyfiyyət haqqında anlayışlar, qlobal iqtisadi miqyasda, həmçinin milli və müəssisə səviyyəsində kompleks yanaşma baxımından onların tətbiqi, məhsuldarlığın və rəqabətədavamlığın artırılması alətləri kimi məhsuldarlıq göstəricilərinin təyin olunması, keyfiyyətin idarə olunması prinsipləri haqqında (TQM, İSO 9000 və s.) ümumi məlumatlar, məhsuldarlıq və rəqabətədavamlıq sahəsində beynəlxalq və milli qanunvericilik aktları haqqında məlumat və onlardan çıxarışlar verilmişdir. 

Korrupsiyaya qarşı mübarizədə Beynəlxalq təşkilatlar – BƏT, BMT İP, Dünya Bankı, ABŞ-ın Beynəlxalq İnkişaf Agentliyi və Beynəlxalq Şəffaflıq Təşkilatı ilə sahibkarların ictimai birliklərinin əməkdaşlığı bu sahədə mühüm əhəmiyyətə malikdir. 
Azərbaycan Respublikası Sahibkarlar(İşəgötürənlər) Təşkilatları Milli Konfederasiyasının Amerika Birləşmiş Ştatlarının Beynəlxalq İnkişaf Agentliyinin (USAİD) vəsaiti hesabına Avrasiya Fondunun Azərbaycan nümayəndəliyinin dəstəyi ilə həyata keçirdiyi “Korrupsiyaya qarşı mübarizədə sahibkarların - işəgötürənlərin və onların ictimai birliklərinin rolunun gücləndirilməsi” bunun bariz nümunəsidir. 
Bu kitab adı çəkilən layihə çərçivəsində çap edilmişdir və özündə layihə üzrə aparılmış araşdırmanın nəticələrini, təklif və rəyləri, korrupsiyaya qarşı mübarizəyə həsr edilmiş analitik məqalələri cəm edir. 
 

Bu vəsait Azərbaycan Respublikası Korrupsiyaya Qarşı Mübarizə Komissiaysının dəstəyi ilə «Azərbaycan Respublikasının regionlarında sahibkarlar-işəgötürənlər arasında şəffaflığın artırılması və Korrupsiyaya qarşı mübarizə üzrə Milli Strategiya ilə bağlı maarifləndirmə və məlumatlandırmanın təşkili» layihəsi çərçivəsində hazırlanmışdır.


“Məhsuldarlıq və Rəqabətədavamlıq” Trenerlər üçün vəsait “Azərbaycanda məhsuldarlıq üzrə işəgötürənlər təşkilatlarının fəaliyyətlərinin artırılması” layihəsi çərçivəsində BƏT-in texniki dəstəyi ilə nəşr olunmuşdur. Vəsaitdə işəgötürənlər üçün böyük maraq kəsb edən dünya iqtisadiyyatında məhsuldarlıq və rəqabətədavamlığın rolu, milli səviyyədə, müəssisələrdə məhsuldarlıq və rəqabətədavamlıq üzrə beynalxalq hüquq və milli qanunvericilik və s. mövzular öz əksini tapmışdır.

Uşaq əməyinin ən pis formalarının ləğv edilməsi sahəsində İşəgötürənlər üçün vəsait BƏT-in ACT/EMP Proqramının uşaq əməyinin ləğv edilməsi ilə bağlı layihəsi çərçivəsində nəşr olunmuşdur. Vəsaitin əsas məqsədi uşaq əməyi sahəsində trenerlər hazırlamaqla bərabər, işəgötürənlərin uşaq əməyinin ən pis formaları haqqında məlumatlandırılması uşaq əməyi ilə mübarizədə onların rolunun gücləndirilməsinə xidmət etməkdir.
  

Kənd təsərrüfatında təhlükəli uşaq əməyinin ləğv edilməsi işəgötürənlər üçün vəsait
Təqdim etdiyimiz bu vəsait ASK tərəfindən işəgötürənlər üçün hazırlanmış təlimat xarakterli nəşrlərin davamıdır. Bu vəsaitin fərqi ondan ibarətdir ki, burada əsas diqqət təhlükəli uşaq əməyinə, yəni uşaqlar üçün kənd təsərrüfatında təhlükə və risklərin müəyyənləşdirilməsinə yönəlmişdir. Bu treninq vəsaitindən yalnız işəgötürənlər deyil, uşaq əməyinin ləğv edilməsində bütün maraqlı tərəflər də istifadə edə bilər. 
 

İşəgötürənlər üçün hazırlanmış bu tədris vəsaiti Beynəlxalq Əmək Təşkilatının dəstəyi ilə çap edilmişdir. Vəsaitin hazırlanması zamanı BƏT-in HİV/AİDS-lə bağlı nəşrlərindən, xüsusilə BƏT-in «HİV/AİDS və əmək sferası» üzrə Praktiki Qaydalar Toplusundan, Milli qanunvericilik sənədlərindən və BƏT-in müvafiq Konvensiyalarından istifadə edilmişdir.
Azərbaycanla bağlı məlumatlar Respublika AİDS-lə Mübarizə mərkəzinin, eləcə də digər təşkilatların internet məlumatlarına əsaslanır.
 

Kitab Beynəlxalq Əmək Təşkilatının dəstəyi ilə «Kənd təsərrüfatında uşaq əməyinin ləğv edilməsində işəgötürənlərin rolu» layihəsi çərçivəsində hazırlanmışdır.
Kitabda Azərbaycanın kənd təsərrüfatı sektorunda uşaq əməyindən istifadə olunmasına qarşı mübarizədə işəgötürənlərin yaxşı iş təcrübələri toplanmışdır.

«HİV/AİDS və iş dünyası» kitabçası işəgötürənlər üçün nəzərdə tutulmuş və Beynəlxalq Əmək Təşkilatının (BƏT) dəstəyi ilə çap edilmişdir. Kitabçanın hazırlanması zamanı BƏT-in HİV/AİDS-lə bağlı məlumatlarından, müvafiq konvensiyalarından, «HİV/AİDS və əmək sferası» üzrə Praktiki Qaydalar Toplusundan, digər beynəlxalq təşkilatların nəçrlərindənç milli qanunvericilik sənədlərindən, Respublika AİDS-lə Mübarizə Mərkəzinin, eləcə də digər təşkilatların İnternet məlumatlarından və ekspertlərin HİV/AİDS-ə dair yazılarından istifadə edilmişdir.
Kitabda həmçinin Azərbaycan Respublikası Sahibkarlar(İşəgötürənlər) Təşkilatları Milli Konfederasiyası tərəfindən HİV/AİDS-in iş yerlərinə təsiri ilə bağlı apardığı araşdırmanın nəticələri öz əksini tapmışdır.

«Formal iqtisadiyyatda biznesə necə başlamalı?»
Azərbaycan Respublikası Sahibkarlar (İşəgötürənlər) Təşkilatları Milli Konfederasiyası Beynəlxalq Əmək Təşkilatının İşəgötürənlərin Fəaliyyəti Bürosunun (ACT/EMP) həyata keçirdiyi «Qeyri-formal iqtisadiyyatdan formal iqtisadiyyata keçid məsələlərində işəgötürənlərin rolu» layihəsinə qoşulmuşdur. Layihə çərçivəsində sahibkarlar üçün «Formal iqtisadiyyatda biznesə necə başlamalı?» adlı soraq kitabçası çap edilmişdir. Soraq kitabçasında müəssisələrin təşkilatı-hüquqi formaları, hüquqi şəxslərin və fərdi sahibkarlıq subyektlərinin dövlət qeydiyyatı prosedurları, Azərbaycan Respublikasında vergi sistemi və vergilərin növləri, sahibkarlıq fəaliyyətinin lisenziyalaşdırılması qaydaları, sahibkarlıq fəaliyyəti sahəsində işəgötürənlərin məsuliyyəti, əmək münasibətləri, vergi nəzarəti və yoxlamalar, sosial sığorta sistemi və maliyyə mənbələri haqqında geniş məlumat verilmişdir.

«Sosial dialoq nədir?»
Azərbaycan Respublikası Sahibkarlar (İşəgötürənlər) Təşkilatları Milli Konfederasiyası Beynəlxalq Əmək Təşkilatının dəstəyi ilə “Sosial Dialoq mexanizminin təkmilləşdirilməsində işəgötürənlərin rolu” layihəsini həyata keçirir. Layihə çərçivəsində İşəgötürənlər üçün bir sıra maarifləndirici tədbirlər keçirilmiş, sahibkarlara-işəgötürənlərə müəyyən metodiki vəsaitlər çatdırılmışdır və «Sosial dialoq nədir?» adlı soraq kitabı çap edilmişdir.
Sahibkarlara təqdim olunan bu kitabçada sosial dialoqun mahiyyəti, bu sahədə Beynəlxalq Əmək təşkilatının siyasəti və fəaliyyəti, Azərbaycan Respublikasının ratifikasiya etdiyi BƏT Konvensiyaları haqqında, həmçinin sosial dialoq sahəsində Milli qanunvericilik və Dövlət Proqraları, Kollektiv müqavilələr haqqında ətraflı məlumatlar verilmişdir. Hesab edirik ki, kitab işəgötürənlərə sosial dialoqda daha səmərəli iştirak etmək üçün faydalı məlumat mənbəyidir.